مقادير المحاشي المشكلة:
1 - كوسا و باذنجان و بندورة و فليفلة خضرا و بطاطا
2 - (3\4) كيلو لحمة ناعمة
3 - 3 كاسات رز صنوايت
4 - دبس بندورة
5 - 2 ملعقة دهنة
6 - دبس رمان
7 - حصرم او ليمون
8 - راس ثوم
9 - نعناع
10 - بهار حلبي و ملح
11 - عظم
12 - ماء
الطريقة :
تتبيلة المحشي :
نضع بوعاء 3 اكواب من رز صنوايت المغسول مع ملعقة بهار حلبي و ملعقة ملح و نضع الدهنة و اللحمة الناعمة مع 2 ملعقة كبيرة دبس بندورة و نخلطهم جيدا
نحشي الكوسا
نضيف لنفس التتبيلة دبس رمان
نحشي الباذنجان و البطاطا و الفليفلة و البندورة
طريقة صف عائلة المحاشي بالترتيب :
في قاع الطنجرة نضع العظم ثم الباذنجان ثم البطاطا ثم الكوسا ثم الفليفلة و أخيراً البندورة
حمض المحشي المشكل :
نضع بوعاء راس الثوم المهروس و نضع 4 ملاعق كبار من دبس البندورة و الليمون المعصور ( الأفضل الحصرم في حال توفره لطعمه المميز ) و دبس الرمان و ملعقة ملح و 2 ملعقة نعناع يابس مع القليل من الماء
نضع الحمض فوق المحاشي حتى تنغمر بشكل كامل بالحمض
نضع الفخارة فوقهم و نغطي الطنجرة
يحتاج الى 2 ساعة على نار هادئة للاستواء