مقادير مسقعة البندورة بعبها محشي قرع :
مسقعة البندورة :
1 - 20 حبة بندورة
2 - نص كيلو لحمة ناعمة
3 - بصلة
4 - ملعقة سمنة
5 - ملعقة دبس رمان + دبس بندورة
6 - ملح و بهار حلبي
محشي القرع :
1 - 2 و نص كغ قرع
2 - 3 كاسات رز
3 - نص كيلو لحمة
4- ملعقة دهنة
5 - ملعقة دبس رمان + دبس بندورة
6 - ملح و بهار حلبي
الطريقة :
نقلي البصل المفروم (يتم فرمه بشكل ناعم) مع ملعقة سمنة مع اللحمة الناعمة مع ملعقة صغيرة من البهار الحلبي و الملح ونقلب ليتغير لون اللحمة و نضعها على جنب
القرع يحتاج الى بشر و تأعور بعد ذلك نحشي بالتتبيلة اللي هي عبارة عن 3 اكواب من الرز المغسول و نصف كيلو لحمة ناعمة و ملعقة دهنة و ملعقة من دبس الرمان و دبس البندورة و ملعقة ملح و بهار حلبي
اخر مرحلة تطبيق القرع مع مسقعة البندورة
في الطنجرة نضع قطع البندورة و اللحمة المقلاة مع ملعقة دبس رمان و دبس بندورة ثم نضع المحشي بالطبقة الثانية ثم الطبقة الثالثة قطع البندورة اللحم لينغمر المحشي بالكامل و نغطي على الطنجرة
يحتاج فترة تتراوح من ساعة ونصف / لساعتين للاستواء